Paul Kagame agiye gusubira kwitoza mu matora mu kiringo kigira kane mu matora azoba mukwezi k’umunani mu mwaka uza 2024 nkuko yabibwiye ikinayamakuru Jeune Afrique co mu Burafansa yabitanganje mu riyi ndwi. Paul Kagame yaremeye yuko azokwiyamamaza mu kibanza c’Umukuru w’Igihugu mu mugambwe FPR Inkotanyi asazwe ari nawe awutwara .
Muri ico kiganiro n’ umumenyeshamakuru w’ umufaransa François Soudan, Paul Kagame ati: “Ndaryohewe n’icizere Abanyarwanda bafitiye, nzobakorera iminsi yose mu gihe nzoba nkibishoboye, ndabizi kandi nzokwitoza”
Jeune Afrique isubiramo amajambo ya Kagame yishuye ati: “Uburengerazuba bwihangane, ariko ivyo ibi bihugu vyo mu burengerazuba uko vyiyumvira si ikibazo cacu. Kuri jewe, sinkimenya ibihuye n’indangagaciro z’uburengerazuba. Demokarasi ni iki? Ni igihe, burengerazuba butegeka abandi ivyo bakwiye gukora? Ariko iyo uburengerazuba barenze ku mategeko yabo bwite, ni gute twabatega amatwi? Gushaka gushinga demokarasi mu kw’undi muntu, ivyo ubwavyo biba vyamaze kuba ihonyarwa rya demokarasi ubwayo.
Ashishikara amenyesha yuko abanyagihgu nibo bategerezwa ibintu ku murongo bonyene “Abanyagihugu bakwiye kuba bigenga kandi bagomba kugira uburenganzira bwo gushira ibintu vyabo ku murongo uko bavyifuza.”
Mwomenye yuko Paul Kagame afise ‘imyaka 65, amaze imyaka 23 ku butegetsi. Yataguye gutwara umugambwe FPR kuva muri 1998. Mu 20217 Paul Kagame yatsinze amatora ku majwi 98.8%
