Umukuru w’Igihugu yakiriwe na Ivica Dačić icegera c’Umushikiranganji wa mbere kandi akaba n’umushikiranganji w’intwaro yo hagati mu gihugu arikumwe na Tamara Vučić umutambukanyi w’umupfasoni w’Umukuru wico gihugu kuwa 11 Ntwarante ku kibuga c’indege gikuru Nikola Tesla co mu gisagara ca Belgrade mu gihugu ca Serbie, yitavye ubutumire bwa mugenzi Aleksandar Vučić. Varisito Ndayishimiye yagiye ajanye n’umushikiranganji w’imigenderanire n’ayandi makungu ambasaderi Albert Shingiro.
Yashitse kurico kibuga isaha imwe ku masaha yico gihugu ariko hari isaha zibiri z’igitondo y’ibujumbura nkuko tubikesha imboneshakure y’igihugu. Kuva aho ku kivuga c’indege gushika aho yashikiye ku nkengera z’ibarabara hari amabendera y’Uburundi arikumwe naya serbie bibaragara nk’ikimenyetso ciza kiri hagati yivyo bihugu.
Ubucuti bwivyo bihugu 2 bwataguye kuva mu 1962 bafashanya mu bisata vyo kwivuna abansi, indero, ubutunzi ivyubuhinga n’imicokama.
