Politike

Abashikiranganji bashasha barahiye icese imbere y’Umukuru w’igihugu.

Kuri uyu wa 3 gitugutu 2023, abashikiranganji bashasha 4 barahiye imbere y’Umukuru w’Igihugu n’Inama Nshingamateka na Nkenguzamateka, nkuko Ibwirizwa Nshingiro ribivuga. Abo nabo ni uwujejwe amagara y’Abantu, uw’uburimyi, uw’urwaruka hamwe n’uw’abakozi ba Reta n’akazi. Ivyo birori vyo kurahira icese ngo batangure amabanga, vyabereye i Bujumbura mu ngoro y’amakoraniro mu Kigobe, inyuma y’aho abo Bashikiranganji baraye bagenywe n’itegeko ry’Umukuru w’Igihugu nomero 100/200, ryo kuwa 2 gitugutu 2023.

Ubushikiranganji bw’amagara y’abantu bugiye kurongorwa na Lidouine Baradahana. Asubiriye Sylvie Nzeyimana. Isanamu tuyakesha ibiro vy’Umukuru w’Igihugu.

Prosper Dodiko niwe agiye kuramutswa ubushikiranganji bw’ibidukikije, uburimyi n’ubworozi. Asubiriye Sanctus Niragira.

Venuste Muyabaga asuburiye Déo Rusengwamihigo mu bushikiranganji bw’abakozi n’akazi.

Gervais Abayeho niwe agiye kurongora ubushikiranganji bujejwe iyinjira ry’Uburundi mu muryango wa Afrika y’ubuseruko. Asubiriye Ézéchiel Nibigira yahora aramutswa ubwo bushikiranganji.

Inyuma yivyo bikorwa vyo kurahira icese, reta nshasha irikumwe niyahahora yama yifotoza isanamu barikumwe n’Umukuru w’Igihugu imbere y’Inama Nshingamateka.

Related posts

Ibintu bikuru bukuru,Varisito Ndayishimiye yakoze mu nama igira 5 ihuza ONU n’ibihugu bitaratera imbere.

Yvan Manager

Ibihugu 6 vyemerewe kwinjira muri Brics 2024.

Yvan Manager

Umukuru w’umugambwe CODEBU yarekuwe amaze iminsi 4 mu Mpimba.

Yvan Manager

Leave a Comment