Kuri uyu wa gatandatu, ihiganwa ryo ku rwego rw’ igihugu Lumitel Women’s League yarabandanije ku ndwi yayo igira 15, umurwi Fofila PF unganya amanota n’umugwi wa Buja Queens bose bafise amanota 41 bakarushanya ibitsindo, Rain Bow uri mu kibanza ca nyuma n’ideni ry’ibitsindo 227.
Munkino bakinye kundwi yayo ya 15 imigwi yose yavyifashemwo neza kuko umugwi wa Fofila watsinze umugwi wa Etoiles du Matin ibitsindo bitatu kubusa (3-0),
Nayo umugwi wa buja Queen’s utsinda umugwi wa Rainbow ibitsindo mirongo ibiri kubusa (20-0).
Fofila PF ufise ibitsindo 96 nayo Buja Queen’s ukagira 87 ikinyuranyo c’ibitsindo 9.
Urukino rwitezwe ko ruzobatandukanya ruzoba kumunsi w’Imana igenekerezo rya 19 Ntwarante 2023 isaha zitatu z’ agatondo (9h00′) kukibuga ca CTN kiri mu Ngagara mu gisagara ca Bujumbura. Uwuzotsinda uwundi niwe azorara mu kibanza ca mbere.
Twobamenyesha ko mw’ihiganwa rikuru rya Lumitel Women’s League bakina inkino 18
Izindi nkino zabaye kundwi ya 15
-Intwarikazi 1-0 Onze Etoile
– PVP Buyenzi 7-0 Les lionnes
-La colombe 3-0 Bon avenir
Umugwi wa mbere ufise amanota 41 n’ibitsindo 96 nayo umugwi wanyuma ufise amanota 0 n’ ideni ry’ ibitsindo 227
