Nkuko bizwi iyo hagire hatorwe abakinyi beza bama bavyitwayemwo neza kurusha abandi kw’isi ntihabura abatora kuri buri igihugu .
Mu Burundi hatoye Kizigeza w’Intamba mu rugamba Saido Berahino , uwahoze ari umumenyereza w’Intamba mu rugamba Jimmy Ndayizeye hamwe n’uwurongoye ishirahamwe ry’abamenyeshamakuru b’inkino mu Burundi ( AJSB) Nshimirimana Liliane .
Abajejwe guharura amajwi mw’ishirahamwe ry’umupira w’amaguru kw’isi FIFA berekanye abarundi 3 batoye .
– Kizigenza w’Intamba mu rugamba Saido Berahino akaba yatoye uku gukirikira : Lionnel Messi , Benzema hamwe na Mbappe
– Umumenyereza w’Intamba mu rugamba Jimmy Ndayizeye nawe akaba yatoye uku gukurikira : Lionnel Messi , Benzema hamwe na Mane
– Uwurongoye ishirahamwe ry’abamenyeshamakuru bo mu Burundi ( AJSB ) Liliane Nshimirimana nawe akaba yatoye uku gukurikira : Lionnel Messi , Kylian Mbappe hamwe na Juan Alvarez
Mwomenyako Lionnel Messi niwe yahavuye atahukana ako gashimwe ka FIFATHEBEST.
