Intara ya Ngozi izokwakira ihiganwa mpuzamakungu ryo gusiganwa n’imiduga bakunda kwita Rally, ku magenekerezo ya 18 gushika 20 Myandagaro uyu mwaka, imirwi ishika 23 niyo igiye kuzokwitaba iryo higanwa. Imirwi izoba yitabiriye ihiganwa harimwo 13 ivuye hano mu Burundi, iyindi yo mu gihugu c’Urwanda, Tanzanie hamwe no muri Uganda n’ahandi.
Iryo higanwa ririndiranwe n’abantu benshi kuko yaheruka kubera ngaha mu gihugu cacu hari 1993, iryo higanwa rikaba rizoba rigabuye kubiri, irizoba ari irisanzwe hamwe n’irindi rizoba ari mpuzamakungu .Mwomenya yuko iyo imirwi yose abazohiganwa bashika 46 kuko umurwi wose uzoba userukiwe n’ umunyonzi umwe hamwe n’uwuzomufasha.
Tubamenyeshe ko Club Automobile yo mu Burundi bateguye ihiganwa bavuga ko vyose bizogenda neza ko n’ikimenyamenya batanze inyigisho zikwiye ku bamenyeshamakuru mu ntumbero yo kuzoshikiriza amakuru neza.
