Imiduga ikorera hagati mu gihugu yaronkejwe igitoro n’ishirahamwe SOPEBU ikurikirana ibijanye n’itangwa ryaco ku giciro cemewe n’ubushikiranganji bw’ubudandaji ivyo bikorwa bikaba vyagiye mu ngiro mu gukorana neza na ATRABU rijejwe gutwara abantu n’ibintu mu Burundi. Abanyagihugu kubwabo ngo bagiye kworoherwa kuko ibitoro vyabonetse, muri ibi bihe twimirije Pasika.
Iki gikorwa catanguye kuri uyu wa kabiri igenekerezo rya 15 Ndamukiza 2025, kuri sitasiyo Lybajas Oil yo mu Ngagara, ikorera kw’ibarabara rya Cotebu-Mutakura, ni ico guha igitoro imodoka z’amashirahamwe yunguruza abantu.
Kuruhande rwa Bosco Minani atwara ATRABU amenyesha yuko imiduga yabo yari mu bubiko ati: “Amashirahamwe menshi yunguruza abantu yari yarabitse imiduga kubera ukubura ibitoro, ubu rero abiyunguruza bagiye kuronka imiduga vyoroshe kandi ku biciro vyemewe y’amategeko”
Uwutwara Atrabu amenyesha yuko ama Agence azoronka igitoro arayazwi n’ubushikiranganji bakukira “baramaze gushikiriza Sopebu intonde z’imiduga yose ikorera mu ma ‘Agence’ kugira bashobore kwama bategekanije ibitoro vyazo.”
Muri SOPEBU bashigikira yuko umunyagihugu atosubira kuzimbwa baja hagati mu gihugu iti: “Umunyagihugu ntasubire kuzimbwa, mu kwiyunguruza aja mu ntara hagati ! Igiciro ni kimwe Reta yashinga”
Ahandi ico gikorwa kigiye kubandaniriza muri ino ndwi nyene ni ku bafata ibarabara RN1, Bujumbura-Ngozi-Kirundo-Muyinga na Bujumbura-Matana-Rutana-Makamba, hamwe na Bujumbura-Rumonge-Nyanza Lac na Makamba nyene, kandi hose umunsi mukuru wa pasika uzogera abantu borohewe mu vyo kwiyunguruza.
Abaronse uyu munsi n’abakorera kuma Agence bo mu ntara za Bujumbura, Gitega, Karusi, Cankuzo na Ruyigi bamenyeshejwe yuko ni bagera kumanuka bazoja kandi kunwesha igitoro kuyandi ma station bakorana nimwe ya mbere yi Bujumbura.
