Umurwi Amagaba waserukiye Uburundi mw’isabukuru y’imico n’akaranga muri kano karere k’ubuseruko duhurikiyemwo “Festival of Art and Culture” iza kubera mu gisagara ca Addis Abeba muri Éthiopie kuva 20 gushika 23 Ntwarante 2025 bazoba barikumwe n’ibihugu 11 vyo muri Afrika y’ubuseruko, harimwo: Uburundi, Uganda, Rwanda, Djibouti, Sudani y’Epfo, Somalia, Repubulika Iharanira Demokarasi ya Congo, Tanzania na Kenya ku civugo “Imico n’imigenzo myiza y’akarere,” uwo mugambi uzohuza ibihugu n’intara”.
Kwitaba iyo sabukuru bizokongereza uruhara rudasanzwe imigenderanire y’imico n’ibindi y’ibihugu bazohurirayo na cane ku bijanye n’imico kama n’ubukerarugendo. Umurwi Amagaba waheruka gushira ahabona indirimbo irikumwe n’ amasanamu bise ”Burundi bwiza”. Amagaba bagaragara cane mu bikorwa vyinshi bikomeye harimwo amana akomeye igihugu cakira, mw’ihiganwa rya Miss Burundi ndetse no mubindi bikorwa bishishikariza kwerekana ishusho ryiza ry’imico n’akaranga y’igihugu cacu.
