Urubuga rw’abanditsi Yaga bahagaritswe ivy’agateganyo n’Inama nkuru y’igihugu ijejwe kugenzura uko ibimenyeshamakuru bikora CNC intandaro ya vyose ngo ni uko ishirahamwe risanzwe riserukira ico kinyamakuru AJEBUDI ryatanze amadosiye adakwije ibisabwa harimwo urupapuro rw’amagendo rwemeza yuko iyo shirahamwe ryemerewe gukora ku mugaragaro n’ubushikiranganji bw’intwaro yo hagati mu gihugu ari na bwo busanzwe bujejwe gutanga impusha z’amashirahamwe akorera mu gihugu. Ibimenyeshamakuru 4 vyarugawe, 2 vyemererwa gukora
Munama yabaye kuwa 27 Ntwarante, Espérance Ndayizeye mu kiganiro n’abamenyeshamakuru, uwo arongoye CNC yamenyesheje ingingo bafashe harimwo n’ibindi binyamakuru vyugawe kubera bitariko birakoresha uruhusha vyahawe mu gihe hari abandi bazikeneye nka: Radio International University of Equator, Télévision Burundi Bwiza na Mawingu TV. Kurundi ruhande hari ibinyamakuru 2 vyemerewe gukora niyo nama nkuru y’igihugu ijejwe kugenzura uko ibimenyeshamakuru bikora na vyo ni ikinyamakuru Look Media Burundi na Radio Shalom FM. Bikaba vyemerewe inyuma y’ibisabo vy’ababirongoye.
Kuruhande rw’ urubuga rw’abanditsi Yaga bamenyesha yuko bagiye kuja hamwe na CNC kugira baronke amakuru akwiye kuriyo ngingo bafatiwe.
