Umurwi w’abasirikare bo muri Guinée-Bissau barashe amasasu menshi ku biro bikoreramwo Umukuru w’Igihugu mu gihe igihugu bari barindiriye ivyavuye mu matora y’Umukuru w’Igihugu n’ay’abashingamateka. Ababonye neza na neza uko vyagenze ku murw mukuru wico gihugu babwiye ikinyamakuru Ruteurs ko abasirikare bitwaje ibirwanisho bafata ibarabara rija aho umukuru w’igihugu akorera bafise ibirwanisho bidasazwe.
Nk’uko ikinyamakuru Jeune Afrique kibishikiriza, Perezida Umaro Sissoco Embalo, uwutwara ibiro bikuru vy’igisirikare Général Biague Na Ntan, icegera ciwe Général Mamadou Touré hamwe na Ministre w’intwaro yo hagati mu gihugu, Botché Candé, bose bafashwe n’igisirikare.Abo basirikare batangaje ko bafashe ubutegetsi, banategeka gufunga ry’imipaka yose y’igihugu.Intambara yahagaze, ariko ibintu ntibiboneka neza ikiza kuvamwo. Umumenyeshamakuru wa DW akorera muri Bissau avuga ko abanyagihugu bamwe batanguye kwinyegeza, abandi nabo bagikora ingendo zitegereye, barondera ivyo bakeneye.
Mu gihe ivyavuye mu matorabakibirindiriye ikivamwo.
Amatora ya perezida yabaye ku w’Imana w’indwi iheze. Umukuru w’Igihugu Embalo yari yatagaje ko yatsinze ku majwi 65 kw’ijana ariko umukeba wiwe, Fernando Dias da Costa, nawe nyene yamenyesheje ko yatsinze.Ivyavuye mu matora bizoshikirizwa kuruyu wa kane 27 Munyonyo 2025. Ariko Reuters yatangaje ko Antonio Yaya Seidy, umuvugizi wa Perezida Embalo, yavuze ko abagabo bitwaje ibirwanisho batazwi neza bafise umugambi wo gutera ibiro bitegura amatora kugira babuze ko hatamenyekana ibitigiri yavuyemwo
Guinée-Bissau irazwi nk’igihugu gikunze gushikirwa n’itembagazwa ry’ubutegetsi butandukanye kuva barinse ukwikukira nka karorero hamaze kuba itembagazwa incuro 9 , iya nyuma ikaba yabaye mu 2023, naho nyene yari igamije gukura Embalo ku butegetsi.
