Jenerali Horta N’Tam, yahora ari umukuru w’ingabo z’ukurwanira hasi, ni we yarahiye nk’umukuru w’igihugu mushasha agiye kurongora igihugu ca Guinée-Bissau mu kiringo c’umwaka umwe. Ivyo vyatangajwe n’igisirikare, kuri uno wa kane, igenekerezo rya 27 Munyonyo, mu kiganiro n’abamenyeshamakuru cabereye i Bissau, aho bavuze kandi ko bafashe ubutegetsi bwose kuva unio munsi.Nimu gihe ata munsi wari bwahace afashe ubutegetsi arinze gutembagaza ubutegetsi bwa Umaro Sissoko Embalo.
«Mpejeje kurahira ko arijewe ngiye gufasha iki gihugu gusohoka mubihe carimwo », niko yavuze Jenerali Horta N’Tam inyuma yo kurahira, mu birori vyabereye ku cicaro c’igisirikare kiri hafi y’iporisi ya Bissau, ahari hari abajejwe umutekano benshi. Uyo jenerali ni umwe mu bantu begereye uwahora ari umukuru w’igihugu yakuwe ku butegetsi, Umaro Sissoko Embalo, akaba yarize igisirikare hamwe Embalo. Yaciye aduzwa ipete ku rutonde rw’aba major-jenerali mu gihe ca manda yiwe.
Ivyo birori nta ruririmbo ruhayagiza igihugu rwaririmbwe vyabereye mu kibanza c’inama y’ibiro bikuru vya gisirikare hagati y’abasirikare bakuru. Yahagaze imbere y’uwutwara abasirikare barwanira hasi, iz’ikirere hamwe n’izo mu mazi, zemeje kumugaragaro ko Jenerali Horta N’Tam ategekanijwe kumara umwaka mu buyobozi bw’igihugu.
