Mark Joseph Carney yavutse ku ya 16 Ntwarante mu 1965 afise imyaka 60 n’umuhinga mu bijanye n’ubutunzi akaba n’umunyaporitiki abaye umushikiranganji wa mbere mushasha wa Canada akazorahira vuba cane murayo mabanga amazemwo hafi amasaha 48. Agiye gutwara umugambwe waba Libéraux kuva kuwa 9 Ntwarante 2025. Nk’umurongozi w’umugambwe uri ku butegetsi, Carney agiye gukorera mu gata Justin Trudeau murayo mabanga mashasha.
Ibintu 5 ukwiye kumenya kuri Mark Joseph Carney:
1/ Ibijanye n’ubuzima bw’akazi
Mark Joseph Carney yavukiye mu gace ka Fort Smith, mu majaharuguru ashira uburengerazuba akurira mu gisagara ca Edmonton muri Alberta. Yabaye uwugira 8 atwaye ibanki nkuru y’igihugu ca Canada hari mu 2008 gushika 2013, Mark Carney agira 120 atwaye ibanki nkuru y’Ubwonegereza kuva 2013 gushika 2020.
2/ Ibijanye n’amashure yagize.
Mu 1995 aronka impamyabushobozi idasazwe (Doctorat) muri kaminuza ya Oxford, mu 1993 yaronse urupapuro rw’umutsindo c’igice ca kabiri ca kaminuza (Master), Mu 1988 muri kaminuza ya Havard mu bijanye n’ubutunzi mu Bwongereza. Mark abaye umushikiranganji wa mbere wenyene atigeze aba umushingamateka nk’abandi, umushikiranganji ndetse atanukwegera n’ikibanza co kuba umuhanuzi w’umukuru w’Igihugu.
3/ Uko bamuzi ku rugero rw’isi yose.
Mu 2010, Mark Joseph Carney, ikinamamkuru Time Magazine baramushize mubantu 100 bafise ico bahindura kw’isi.
4/ Mu vy’inkino.
Mu vy’inkino akunda umukino kuva akiri umwana bwiwe witwa hocke, akunda umurwi wa Edmonton Oilers, kandi akenshi akoresha uburorero bwa siporo mu biganiro vyiwe, nko kuvuga ku ntambara y’amakoro:’ Abanyamerika rero ntibagomba gukora ikosa: ku bijanye n’ubucuruzi, nk’uko bimeze muri Hockey, Canada izatsinda.”
5/ Umuryango wiwe.
Mark Joseph Carney afise abana 4, umupfasoni wiwe Diana Fox Carney bahuriye muri reta ya Oxford mu 1994 nawe akaba yize ibijanye nivyo ubutunzi. Afise abavyeyi 2 ba bigisha kandi baduhimiriza cane gukora akazi gakomeye mu kibano hamwe no kwihangana.
