ImibanoMuburundi

Burundi: Abaje mw’ihururiro ry’abakenyezi b’indongozi bashitse amahoro.

Abashitsi batandukanye barashitse ku munsi w’ejo hahise kuwa gatatu igenekerezo rya 19 Munyonyo bitabiriye ihwaniro ryo ku rwego rwo hejuru rihuza abakenyezi b’indongozi ritangure, Umutambukanyi w’Umukuru w’igihugu c’Uburundi ikazoba kuwa 20 na 21 Munyonyo 2025 i Bujumbura ku kirimba c’Umukuru w’Igihugu Nyakubahwa Varisito Ndayishimiye. Umutambukanyi w’Umukuru w’igihugu ca Sierra Leone, Fatima Maada Bio yarashitse mu gihe aje muriryo koraniro, harimwo n’abandi bategetsi batandukanye babapfasoni.

Umutambukanyi w’Umukuru w’igihugu c’Uburundi Angéline Ndayishimiye ku kibuga c’indege Melchior Ndadaye yakiriye ubwiwe ku mugoroba w’ejo uwo mushitsi adasazwe w’Umukuru w’igihugu ca Sierra Leone, Fatima Maada Bio nkuko ayo makuru tuyakesha urubuga rw’ibiro vya Nyenicubahiro Umutambukanyi w’Umukuru w’igihugu c’Uburundi.

Angéline Ndayishimiye yakiriye Niyonsaba Béatrice atwara RAFER.

Ku mugoroba w’ejo Umutambukanyi w’Umukuru w’igihugu c’Uburundi yahaye umubonano abatandukanye harimwo Adama Moussa aserukira igisata c’abakenyezi mu muryango mpuzamakungu ONU (ONU Femmes) mu karere ka Afrika y’ubumanuko n’ubuseruko, akaba yagenzwa no kumumenyesha ko bashitse mu Burundi amahoro kugira ngo bazokwitabe ihuriro.

Angéline Ndayishimiye yahaye kandi umubonano Niyonsaba Béatrice yaserukiye ishirahamwe ry’abakenyezi birimizi ku rwego rwa Afirika, rirongowe n’Umutambukanyi w’Umukuru w’igihugu ca Guinée Équatoriale. Mu vyo bayaze harimwo ibijanye n’uko iryo shiramwe ryoza mu Burundi. Uwo yariserukiye amenyesha ko yabonye ibikorwa Umutambukanyi w’Umukuru w’igihugu c’Uburundi akora arabishima, ari co catumye yiyumvira kuzana iryo shirahamwe ngaha mu Burundi kugira risahirize abakenyezi birimizi, na rirya risanzwe rifise imigambi itari mike yofasha mw’iterambere ry’abakenyezi.

Related posts

Seychelles ntiratsinda Uburundi na rimwe mu nkino 8 zose zabahuje.

Yvan Manager

CENI imenyesha ahigejeje gutegura amatora yi 2025.

Yvan Manager

Uburundi bwatwaye Zone 5 mw’ihiganwa rya Beach Volleyball.

Yvan Manager

Leave a Comment