MumahangaPolitike

Tanzanie: Reta nshasha ya Samia Suluhu Hasssan irimwo umukobwa n’umukwe wiwe.

Umukuru w’igihugu ca Tanzaniya, Samia Suluhu Hassan, yashize ahabona Reta nshasha ku musi wa mbere, irimwo abaministre 27 n’abandi 29 basanzwe bafasha abaministre, mu kiganiro yashikirije abanyagihugu kuri televiziyo avugira ku ngoro ya Chamwino iri i Dodoma. Umukobwa wiwe Wanu Hafidh Ameir, yabaye icegera c’umushikiranganji  w’indero , ubuhinga n’ikoranabuhanga, umukwe wiwe Mohamed Mchegerwa agirwa umushikiranganji w’amagara y’abantu.

Samia, umukobwa wiwe n’umukwe wiwe muri reta nshasha.

Gushinga iyo reta nshasha ntavyinshi biboneka ko vyahindutse, aho bamwe mu bahora bari mu bushikiranganji bagumijwe mu mabanga yabo, ariko kandi harimwo abashasha bashizwe mu bibanza bindi bitandukanye. Muri izo ndongozi nshasha habonetsemwo amazina yabo mu muryango wiwe nk’akarorero, harimwo umukobwa wa Perezida hamwe n’umukwe wiwe.

Wanu Hafidh Ameir, afise imyaka 43, aserukira akarere ka Makunduchi i Zanzibar, yagizwe Icegera c’Umushikiranganji w’Uburezi. Umugabo wiwe, Mohamed Mchengerwa, afise imyaka 46, aserukira akarere ka Rufiji mu ntara ya Pwani, nawe yagizwe Umushikiranganji w’amagara y’abantu.

Hari kandi Ridhwani Kikwete, umwana wa Prezida wa kera Jakaya Kikwete, yagizwe Umushikiranganji w’intwaro ibereye. Muri ico gihe, Khamis Mussa Omar yagenywe gusubirira Mwigulu Nchemba mu bushikiranganji bw’ubutunzi, Nchemba nawe agirwa Umushikiranganji wa mbere. Mahmoud Thabit Kombo yagumijwe ku mwanya wiwe w’Ubushikiranganji w’imigenderanire n’ibindi bihugu . General Rhimo Simeon Nyansaho yagizwe Umushikiranganji w’Ingabo n’Igisirikare c’igihugu, asubiriye Stergomena Lawrence, aherutse kuja mu karuhuko k’izabukuru.Harashinzwe kandi Ubushikiranganji bushasha bw’iterambere ry’urwaruka, kugira ngo igihugu gishigikire bikwiye urwaruka mu vy’iterambere.

Abo baministre bashasha barahiye ku munsi w’ejo hahise hari kuwa kabiri igenekerezo rya 18 Munyonyo 2025 mu ngoro ya Chamwino.

Related posts

Ishirahamwe CAF ryagize amasezerano yo gukorana na komisiyo y’iburaya.

Yvan Manager

USA: Urupfu rwa Mia Love, umwirabura wa mbere yatowe mu mugambwe waba républicain.

Yvan Manager

Uburusiya bwemeje ko Prigozhin yapfuye n’isanganya y’indege.

Yvan Manager

Leave a Comment