Ku civugo :” Mu runani rw’abarundi, tugende turaba Uburundi bwifashe mu 2040″, Umukuru w’Igihugu Evariste Ndayishimiye yatanguje icese urugendo rw’urumuri rw’amahoro, ku ncuro igira 17. Ibirori vyataguriye ku kibuga c’umupira umuco mu ntara ya Muyinga. E.Ndayishimiye yahamagariye abarundi guhaguruka bakarwana urugamba rwo kuva mu bukene, avuga ko kugira Uburundi butera imbere bisaba ko bugira indongozi zibona iyo ziriko zirajana abarundi. Urwo rumuri rukaba ruzoca muma komine yose agize igihugu kuva kur’uyu wa 04 Munyonyo kugeza kuwa 19 kigarama mu ntara Makamba ku kibuga bitiriye umuhisi Petero Nkurunziza. Murivyo birori habonetsemwo abandi bategetsi batandukanye bagize reta.
Umukuru w’Igihugu yatangaje ko urwo rumuri ruzoca mu makomine yose y’Uburundi, rwitwaje ubutumwa bukangurira abenegihugu kwiha ihangiro ry’ibikorwa vy’iterambere rusangi. Nkuko bishikirizwa na Epipode Baranyikwa atwara iryo shirahamwe ry’Intwararumuri amenyesha yuko urwo rugendo rw’amahoro rwataguye mu 2006 inyuma y’amatora yarahejeje kuba mu 2005. Aho bazoca hose bazogenda barakora ibikorwa vy’ukubaka amashure, ibibuga n’izindi nzu baba bariko barubaka kurwengo rw’intwaro.
Ayandi mafoto yico gikorwa
