Ibihugu 6 vyamaze kwemerwa kuja mu muryango wa BRICS mu mwaka muri Nzero mu 2024, harimwo Iran, Argentine, Egypte, Ethopie,na Arabie Saudite n’ibindi. Umukuru w’igihugu Evariste Ndayishimiye ari mu gisagara Johannesburg muri Afirika y’Epfo mu nama idasanzwe y’umuryango BRICS ugizwe n’ibihugu bitanu ari vyo Brésil, Russie, Inde, Chine na Afrika y’Epfo. Ukorana mu manama rusangi uko umwaka utashe kuva muri 2011.
Mu bikorwa vy’inama y’ibihugu bigize umuryango wa BRICS biriko bibera i Johannesburg, kizigenza wa Republika y’Uburundi Varisito Ndayishimiye yaraye abonanye na bagenzi we batandukanye mu kanya ko gusangira k’ abakuru b’ ibibihugu bitavye iyo nama katunganijwe na Cyril Ramaphosa.
Mu 2020, ivyo bihugu uko ari bitanu abanyagihugu bavyo bangana n’ibice birenga 40 kw’ijana (40 %) vy’abanyagihugu bo kw’isi yose. Bikaba bivugwa n’abahinga ko umurindi w’iterambere ry’ubutunzi bw’uyo muryango wongorekana buri mwaka kurusha iyindi miryango y’ibihugu ihasanzwe.
