Bumamuru ihejeje kuganya igitsindo 1 ku kindi n’umurwi wa Flambeau du Centre kundwi igira 22 ku kibuga Urunani kiri mu ntara ya Cibitoke, Nahimana Shassir yatsinze igitsindo c’umurwi wa Bumamuru ku munota wa 34. Ku munota wa 94 igitsindo c’umurwi wa Flambeau du Centre catsinzwe na SADIKI Yahya, urwo rukino rwari rwatewe iteka n’umushikiranganji wa mbere Gervais Ndirakobuca.
Ku ruhande rwa Bumamuru, igumye mu kibanza ca mbere ku manota 48 mu gihe flambeau du Centre igumye iyikurikira ku manota 47, hasiga inkino 8. Nahimana Shassir yakwije ibitsindo 14, aganya na Jean Claude Girumugisha akina muri Magara Young Boys.
Umurwi wa Bumamuru, umaze gutsinda inkino 14, utsindwa 2, unganya 6, uzigamye ibitsindo 32 , ku ruhande rwa Flambeau du Centre yo mu ntara ya Gitega, umaze gutsinda inkino 14, utsindwa 3, unganya 4, uzigamye ibitsindo 20.
Mwomenya yuko, iyo mirwi Flambeau du Centre yaheruka gutsinda 3 kuri 0 ya Bumamuru ku rukino rwo kundwi 7.
