Indirimbo 10 zizoja mw’ihiganwa Isanganiro Awards zigiye mu gice ca nyuma ku ncuro igira 13 bamaze kumenyekana nkuko tubikesha ababijejwe bari mu nteguro yiryo higanwa. Murizo harimwo indirimbo 1 y’umwigeme ”Ryoha” ya Monia Fleur, imwe y’umurwi MTC bise ”Zoe”.
Amwe mu majambo Christian Nsavye ari mubategura iryo higanwa ashima yagize ati: ”Turashimiye umurwi watanze amanota mw’ihiganwa isanganiro awards hakaboneka indirimbo 10 zashitse muri finale bose bakaba baba mumakungu”, Nsavye arashira ahabona amazina yabari muri murwi utanga amanota(Jury) ni:
Jyckey Keza, David aririmba indirimbo mpimbazamana , Sugar, Baino, Goreth na kilokilo bari mu murwi Amabano, Nsavye ati : ”Ni iteka gukorana n’ibihangange nkamwe”.
Ivyo biruko mu gihe abaririmvyi 20 baheruka guhabwa inyigisho zijanye n’ingene bokora umuziki wisunze amatekegeko, ushobora kubabeshaho no gushikanwa ku rwego mpuzamakungu. Mu ruganda rwo kubakarihiriza ubwenge rwateguwe n’Isanganiro, barigishijwe uko bokingiza ibikorwa vyabo n’ingene bobidandaza. Abaririmvyi bashoboye kwitaba urwo ruganda barashima ko bahamenyeye vyinshi.
Tubibutse ko mu mwaka uheze, indirimbo Bellissima y’umuririmvyi Dj Fernando ariyo yatahukanye ako gashimwe.
