Ihiganwa rya Primus Ligue ryarasubiriye kubandanya ku ndwi igira 17 rya phase retour ku nkino 8 zose zarabaye ku bubibuga bitandukanye. Umurwi Aigle Noir wabandanije ufata ikibanza ca mbere batsinze Vital’O ku kibuga ca Aigle Noir. Hashoboye kwinjira ibitsindo 21. Urukino rwa Olympic Star itsinda 3-2 Bumamuru FC nirwo rukino rwabonetsemwo ibitsindo 5 arivyo vyinshi kurusha izindi nkino.Imirwi ya Inter Star, Garage Express na BG Green FC niyo iri mu bibanza 3 vyanyuma.
Umwihwezo twashobora kubona kuriyo ndwi mu nkino zitandukanye nuko twabonye hari abakinyi bagiye barahindura imirwi nkuko vyari vyemewe :
-Aigle noir ikomeje kuyobora urutonde rw’ihiganwa n’amanota 42 Nubwo uwomugwi watakaje abakinyi 2 ngenderwako (Kamana Karim na Abdi Ineza ) bakaba bahejeje gutsinda Vital’o 2 kuri 1 bituma basiga Bumamuru amanota 4 yose. Olympic star ihejeje gutsindira Bumamuru murugo ibitsindo 3 kuri 2 bituma aigle ikomeza kubasiga amanota 4 yose. Musongati ihejeje gutsinda flambeau du centre igitsindo 1 k’ubusa inyuma yaho batakarije edson mnaba na Likau kitoko Faustin. le Messager Ngozi ihejeje gutsinda ibitsindo 2 kuri 1 Umugwi wa Ngozi city bituma bs Dynamique isubira mukarongo gatukura. Muzinga bahejeje kunganya na Rukinzo kimwe kukindi bituma muzinga ikomeza kwandika amateka yokudatakariza Kuri stade intwari.
