Ishirahamwe ry’umupira w’amaboko mu Basketball mu Burundi (FEBABU) baragize umugirwa mwiza wo kubisikanya mu mabanga n’abaheruka gutorwa mu nzengo nshasha ziryo shirahamwe inyuma yuko habaye amatora yo gutora inzengo zishasha zizotwara imyaka 4 bisigura kari gushika mu 2029. Aloys Ntakirutimana niwe aratswa iryo shirahamwe kuba igenekerezo rya 31 Rusama atowe ku majwi 19 kuri 27.
Nkuko ayo makuru tuyakesha bagenzi bacu bakora mu gisata c’insamirizi ya Buja FM babimenyesheje iryo bisikanya rishitse mu gihe abakunzi burwo rukino bari barindiranye igishika igenekerezo nyezina hazotagura ihiganwa rya Play Off risozerera ihiganwa bitiriye Vital’O Basketball League.
Iryo bisikanya ryabaye hagati ya Joe Dassin Rukundo yagenwe nk’icegera c’umukuru wqq FEBABU mushasha hamwe n’uwahora arirongoye vy’imfatakibanza Claver Hacimana. Umunsi w’amatora Aloys Ntakirutimana yaciye atora bamwe mu bagize inzengo nyobozi bazofashanya murayo mabanga, murabo harimwo Vera Idriss Humuriza azoba icegera c’umunyamabanga mukuru wa Febabu, Vincent De Paul Nkurunziza azoba ajejwe ibigega n’icegera ciwe Radegonde Irakoze. Icagaragaye nuko Claver Hacimana yashikirije amabanga, yagumye mu burongozi bushasha kuko yatowe kuba umunyamabanga mukuru wa FEBABU ariko ayandi ma komisiyo atandukanye atarashirwaho.
Mwomenya ko imwe mu migambi Aloys Ntakarutimana yashikirije agiye gushira mu ngiro vyihuta, ni kwubaka ibibuga bisakaye, gukwiragiza Basketball mu gihugu cose, gutanga imiriyoni 50 z’amarundi muri FEBABU no gutanga imiriyoni 20 muri buri shirahamwe ry’urwo rukino mu ntara.
