Umushikiranganji w’Inkino yuguruye Dojo, ikigo kijejwe ubuhinga bwo kurwana n’uguteza imbere imikino yo ku rwego rwo hejuru kuwa 1 Ndamukiza muri zone Maramvya komine Mutimbuzi ku ngabire ya Ambasade y’Ubufaransa mu Burundi ifatanije na Komite y’igihugu y’abanonotsi (CNO), mu rwego rw’umugambi wo guseruka no guteza imbere abakinnyi (PEPS).
Ivyo birori vyabereye ku mugaragaro harimwo abantu batari bake, harimwo umushikiranganji ajejwe imikino Bwana Gervais ABAYAHO, Ambasaderi w’Ubufaransa mu Burundi, Bwana M. Sébastien MINOT, Umukuru w’igisagara ca Bujumbura, Jimmy Hatungimana hamwe n’umukuru wa CNO Lydia NSEKERA.
Umukuru w’igisagara ca Bujumbura yashimiye n’igishika cinshi abatanguje uwo mugambi hamwe n’umukuru wa NOC kubera bashikirije ico gikenewe ku bafatanyabikorwa. Yaseruye kandi umunezero mwinshi afise wo kubona iyo ngingo igira ico ikoze, agaragaza ingaruka zayo zitari izo mu rwego rw’imikino: “Turashima kwakira iyi Dojo, itagarukira ku kibanza c’imyimenyerezo gisanzwe gusa, ariko kandi ifise uruhara runini mu bumwe bw’abantu no mu guteza imbere urwaruka rwacu. Uburundi buriko buratera imbere, buja muriya mbonakazoza y’ 2040 igihugu cifashe na 2060, igihugu giteye imbere.”
Lydia Nsekera kandi yashize ahabona ingaruka nziza iyo Dojo ifise ku gutoza abakinyi ati: “Ivyo bikorwa rvyo kuronka inyubako nziza nshasha, turaha abahinga mu vy’ubuhinga gushira mu ngiro hamwe n’abanonotsi ubwabo muri rusangi ikibanza co kwigiramwo no gukora neza mubijanye n’iterambere y’inkino mu Burundi.
Inyuma yivyo birori, harerekanwe ubuhinga bwo kurwana bwakozwe n’abakiri bato ba judoka, karateka na taekwondo, ryerekana ubuhinga bafise n’urukundo bakunda cane inyigisho zabo. Abakinyi ba badminton n’abakinyi ba table tennis na bo nyene berekana ubuhinga bwabo n’umwiyemezo wabo wo gutsinda.
.
