Inter Star izokina na Vital’O ku kibuga Intwari kuruyu wa w’Imana igenekerezo rya 30 Munyonyo ku ndwi igira 14 ryiyo higanwa inyuma y’imaka 4 yose ihaciye batakinira kurico kibuga. Bazohakinira barinze kuriha amahera imiriyoni 5 nkuko ishirahamwe rya maguru FFB riheruka kubitanganza. Mugabo Ramadhani atwara ivy’imfatakibanza uwo muri wa Inter Star ashimikira ko amenyesha ko babikoze kugira basubire bagarukane umunezero w’abakunzi babo ndetse n’abandi gusubira kurabira umupira wabo kurico kibuga yabivuze mu kiganiro yahaye abamenyeshamakuru uyu munsi.
Kuri komite yuwo murwi babona ko imiriyoni 5 ari make ku murwi umaze wataguye kuva mu myaka yi 1934 bitobabuza kwakirira Vital’O umurwi basangiye igisagara kandi wamye ukebana cane. Uwo murwi uhamagarira kandi abakunzi bawo kuza ari benshi gusubira kubona Inter Star kurico kibuga inyuma yo kuhakinira barikumwe na Vital’O.Urwo rukino ruzokinwa inyuma y’indwi gusa uwo murwi uramutswa umurongozi mushasha kumvo zuko uwari awutwara yatanze imihoho kuwa gatandatu uheze ariko ivyo vyose ntibizotuma badatsinda uwo murwi bamye bakebana imyaka yose.
Mu nteguro yurwo rukino bamenyesha ko ibiciro vyo kwinjira kuraba urwo rukino:
1/ Pourtour: 5.000 Fbu
2/ Tribune A&B 10.000Fbu
3/ VIP: 30.000 fBu
4/ VVIP: 50.000 fBu
5/ Tickets Sponsor : 100.000 fBu.
Ivyo biruko mu gihe imirwi yose yo mu gisagara ca Bujumbura yahora yakirira inkino ku kibuga Urunani haraciye imyaka 4 kiri i Buganda ivyo bigatuma abakunzi b’inkino badashobora gushikayo kubera ikibazo c’uburyo buca bwiyongera.
