Ishirahamwe Hope For a Better Future rifandikinije na Khaldun Foundation baratanze intebe amajana abiri (200) kuri Ecofo Nyarusange riri muri commune Rango intara ya Kayanza hari mu mpera ziyi ndwi, Chancelle Bamuhaye atwara Hope for a Better yamenyesheje yuko gufasha mu gisata c’ indero bisanzwe biri muvyo bitaho gukora iminsi yose. Iyo ngabire y’intebe bayishikirije hari umunyamabanga ntayegeyezwa wa komine Rango barikumwe n’umuyobozi w’indero ku rwego rwiyo komine.
Chancelle BAMUHAYE atwara ishirahamwe Hope for a Better Futur yamenyesheje yuko ati: « Ibi bikorwa, bisanzwe biri mu migambi ishirahamwe ryacu rifise ryo gutanga intebe ku mashure aho abana usanga biga bicaye hasi canke ugasanga intebe yagenewe kwicarako abana 2 yicarako abana 4 canke 5. Iyo umwana yiga yicaye neza, biramworohera gukurikira umwigisha, bigatuma aronka amanota meza kandi akunda ishure. Ku barezi naho, biroroha gukurikirana abana bicaye neza nk’iyo hageze kwandika. Abana bicaye ku ntebe n’abicaye hasi ntibibatwara umwanya ungana ».
Muriyo ntara ya Kayanza, uwurongoye indero ku rwego rw’intara yamenyesheje ko umwaka w’ishure wi 2024 ushira uwa 2025 bari bakeneye intebe 22 500 kugira bige bicaye neza kuva mu ntango y’umwaka w’ishure ashishikara avuga yuko iyo komine Rango ariyo mpamvu bakenguruka iyo ngabire izotuma umwumbu w’abanyeshure uterimbere. Umunyamabanga ntayegayezwa wa commune Rango n’uwujejewe indero muri iyo commune bashimye cane iyo ngabire bongera batera akamo abo bose babishoboye ko bobandanya bafasha kugira ngo ubukene bw’intebe muri iyo commune bugabanuke.
Mwomenya yuko Chancelle Bamuhaye asanzwe afasha abana bari mu bwoko bw’abatwa bari muri Site Busekera mu ntara ya Muramvya ibijanye no kubakurikiranira hagufi mu bikoresha vyishure
